Lavur cumina a Mireia

Per sonda, ils 9 d'avrel ha la suprastonza dalla secziun Vallatscha clamau ad in di da lavur cumina.

21 persunas han dau suatientscha a quell'invitaziun. Igl ei vegniu fatg differentas lavurs.

Secapescha che la bellezi'aura ha fatg luvrar in bien ton pli tgunsch. Tgi ei stau vid cavar per la lingia d'aua, tgi ha giu da humusar, tgi ha fatg da miradur, tgi ha plazzau il begl avon tegia, tgi ei stau en tegia vid far lavurs da lennari e scrinari, auters han preparau las schibas. Ina gruppa da scrinaris ha entschiet a preparar las mobilias dalla cuschina.  Tut che ha giu da far ina massa. Da miezdi ei vegniu surviu in stupent gentar da catschadurs (engraziel fetg alla Carla). Entochen la sera ei vegniu fatg massa buna lavur e tgei ch'ei stau bellezia: la sera curreva l’aua ed ha empleniu il begl larisch avon tegia.

Engraziel fetg a tut tgi ch'ei segidau.