Sco usitau ha il tir intern dalla secziun Vallatscha giu liug la secunda davosa dumengia d'uost. In bellezia di, bellezi'aura – gie bunamein memia cauld. Demai che treis differents catschadurs vegnevan en damonda per gudignar il premi ambulont, ei la tensiun stada pulit gronda. La trofea ei lu era ida suenter 10 onns definitvamein tier Hans-Peter Bundi. Cordiala gratulaziun! Victur dil di ei Victor Flepp daventaus avon Toni Bearth sen. e Victor Venzin. 28 tiradur(a)s han fatg part dil tir intern. A tut tgi ch'ei segidau in grond engraziel fetg! La suprastonza giavischa a tuts catschadurs bien success da catscha, gratulescha a Luis Giger sin la 51avla patenta da catscha e sin bien seveser il di da catscha communabla ils 12 da settember!
Grazia al grond engaschi da nos commember(as) havein nus naven da mardis sera ils 17 d’uost entochen sonda ils 21 d’uost segau, fenau e fatg pintgas meidis cun igl entir mises magher da Munderschei.
Medemamein ei vegniu, sco mintg’onn, fenau il prau da Plaunbarcuns entras nos camerats, ils Bearths da Bonaduz. Grond engraziament.
